النهارده هنتكلم بقي عن ميزة جديدة كلنا بندور عليها وبنحاول نحققها لأطفالنا وأحنا مش عارفين انها قدام عنينا بس احنا منعرفهاش أو مسمعناش عنها!!

طبعا كلنا نفسنا أولادنا وبناتنا يزيد عندهم مستوى ذكائهم وكتير مننا بيجيب لأبنائه لعب بازلز عشان الهدف دا.

لكن تصدقوا أن العلماء اكتشفوا أن تعلم الأطفال للغة جديدة من شأنه انه يعزز وينمي دماغ الطفل.

الدارسات والأبحاث العلمية اثبتت أن الاطفال اللي بيتعلموا لغة تانية في سن مبكرة بجانب اللغة الام، الأمر دا بيزود في ادمغتهم المادة الرمادية بشكل كبير!!

وايه هي المادة الرمادية يا ترى؟ وايه وظيفتها في الدماغ؟

المادة الرمادية دي بقا هي مادة موجودة في الدماغ والنخاع الشوكي، وهي المسؤولة عن معالجة المعلومات اللي بتشمل الذاكرة

 والكلام والإدراك الحسي، والتفكير المنطقي.

يعنى ببساطة بيقول العلماء انه كلما زادت المادة الرمادية كلما ارتفع معدل ذكاء الانسان.

وعشان كدا حبينا نشارك معاكم هذه المعلومات العلمية القيمة، عشان تبقى لينا و ليكم حافز اننا نواصل مع ابنائنا تعلمهم اللغة الانجليزية بطلاقة.

لو فعلاً لاحظتم قبل ذلك أن الطفل اللي بيتعلم لغة جديدة غير لغته الأم بيزيد مستوى ذكائه وادراكه شاركونا تجاربكم عشان الكل يستفيد.